Þessi fór í sýningar þann 6. mars.
Var svo heppinn að sjá hana í forsýningu.    Frábær skemmtun – mæli 100% með henni.

Myndin segir frá veiðiferð 6 miðaldra karla,  sem fara úr Reykjavík og norður í land í þriggja daga túr.   Karlarnir eru algerar erkitýpur,  sem allir veiðimenn hafa lent með í veiðitúrum.   Óvæntar uppákomur, bras, brölt, ærsl, uppgjör, fyllerý,  veiði, veiðigleði og veiðiangist eru sett fram á frábærlega skemmtilegan hátt.

Myndin er sprenghlægileg, nánast allan tímann.  Framvinda túrsins og flestar uppákomurnar eru í anda þeirra allra skrautlegustu veiðitúra sem flestir veiðimenn hafa einhvern tímann upplifað – fæstir þú í einum og sama túrnum 🙂

Ég spái því að þessi mynd muni eldast ágætlega,  verði einhverskonar blanda af veiðiCultbíói og heimildamynd um veiðisukksamt líferni 65´ kynslóðarinnar.  Kynslóðarinnar sem lifði hvern dag sem þann síðasta, fyrst hlustandi á Bubba rokka  um heimsendi en síðar á Bubba kyrja um núvitundina.

5 stjörnur af 5 – frábær afþreying fyrir alla.

Tekin upp við Mýrarkvísl – sem einmitt er komin í sölu:
https://www.veiditorg.is/permits/myrarkvisl